هو ممكن الـ كوميونتي بتاعي يأثر علي نجاحي وفشلي ؟ -
_
_
من فترة طويلة جداً لم كنت بدأت دراسة في مجال معين كان الوضع ممل جداً وغير كده كانت المعلومات محدودة وكنت خلصت كل كورساتي وشغال فـ حاسس ان مفيش جديد
_
لحد ما بالصدفة اختلطت بـ شخص منزل " كوميك " من جروب خاص
بالـ مجال الـ اتعلمته جديد ده وبالصدفة لم دخلت الجروب
حصل كمية نقاشات رهيبة بيني وبين الناس هناك
_
عرفت ان في اكتر من 11 كورس واكتر من 6 افرع للمجال بتوعي
انا معرفش عنهم حاجه رغم اجتهادي بالبحث
عرفت مصادر جديدة اتعلم منها وميثودولجي جديدة اطبقها علي شغلي
وكانت ناجحه جداً
وفي مرة كنت مشترك في كوميونتي خاص بالـ IT
قبل ما ابقي Sys Admin وشوفت 2 بيتناقشوا
في حاجه معينه وحل لمشكلة معينه
وتاني يوم بالصدفة كنت شغال Call Center وحصلت مشكلة
في الـ Server وكنت متأكد اني اقدر اطبق الحل وعملت ده
انا والـ IT واتحلت وكل ده بس من خلال نقاش دار قدامي !
والاكتر لقيت حد يشجعني ونضحك ونهزر مع بعض ونذاكر مع بعض
واحياناً كانت الشركات بتكلفنا بنفس الويبسايت مع بعض اننا نطلع
منه الثغرات وغيره - وكانت رحلة جميلة جداً
للاسف الرحلة من غير رفيق , كوميونتي , مجتمع بيهتم نفس اهتماماتك
وعنده تفكير مشابه لتفكيرك مهم جداً وعلشان كده دايماً
بنقول لم تيجي تختار لغة برمجة معينه وتيجي تختار تكنلوجي معينه
اختار اللغه الـ ليها كوميونتي اكتر علشان هتلاقي مساعدة كبيرة
هتلاقي ناس تتناقش معاها وتنصحهم وينصحوك
احياناً اه كبر حجم الكميونتي ممكن يشتتك لانه بيسمح لاي حد
انه يهبد هبد متقطع لذيذ غزير ولكن بيظل في الاخر محتفظ
بمميزاته
_
طب اعمل ايه لو مفيش كميونتي او شريك وانا لوحدي ؟
اعمل كوميونتي خاص بيك , اعمل جروب او مجموعة وابعت
ميلات للناس الـ بتشتغل في نفس مجالك او التكنلوجيه بتاعتك
وقلهم انك محتاجهم وكلنا محتاجين بعض وابدء الرحلة معاهم
شوف مواقع اجنبية واشترك فيها والمنتديات وشوفهم بيقولوا ايه
واتكلم معاهم واتعلم لغتهم هيضيفلك كتير وهتطلع بحصيلة
لغوية وثقافه غير خبرات في شغلك عظيمه